काठमाडौं र चितवनमा स्वाइन फ्लु

काठमाडौं र चितवनमा पान्डेमिक इन्फ्लुएन्जा एचवान एनवान २००९ (स्वाइन फ्लु) भेटिएको छ। गत असार १५ गते अमेरिकाबाट कतार हुदैँ आएका नेपालीमा स्वाइन फ्लु भेटिएको थियो। यसअघि मासमा स्वाइन फ्लु रहेका देशबाट आएका वा तीनिहरुको सम्पर्कमा रहेका परिवारका सदस्यमा मात्रै यो रोग भेटिएको थियो।
एभियन इन्फ्लुएन्जा नियन्त्रण आयोजनाका निमित्त प्रमुख डा.जितेन्द्रमान श्रेष्ठले भने, 'एकसाताको बीचमा विदेशभ्रमण नगरेका र विदेशबाट फर्किएका मानिससँग पनि भेट नगरेका मानिसमा रोग भेटिएको छ।' उनले भने, 'अब स्वाइन फ्लु मासमा छ भन्ने देखिन्छ।' उनले काठमाडौ र चितवनमा मात्रै मासमा पुष्टि भएपनि देश अन्य भागमा पनि यसका विरामी हुनसक्ने बताए। 'यो छटौ स्टेज हो, जहाँ पनि जसलाईपनि यो समस्य भएको हुनसक्छ।'
पछिल्लोपटक मासमा भेटिएका आठ जना मध्ये तीन चितवन र पाँच काठमाडौमा भेटिएका थिए। नयाँ रिपोर्टसँगै चितवनमा एक एक महिनदेखि फैलिएको उच्च ज्वरोको एउटा स्वाइन फ्लु भएको प्रमाणित भएको छ। ५ हजारका हाराहारीमा विरामी भएकामा सबै स्वाइन फ्लु हुननसक्ने चिकित्सकहरुले बताएका छन्। 'सबैमा स्वाइन फ्लुसँग मिल्ने लक्षण छैन् विश्व स्वास्थ्य संगठनका चिकित्सक निर्मल कडेँलले दशै यता देखिएको विरामीमा मात्रै स्वाइन फ्लुसँग मिल्ने लक्षण देखिएको बताए। स्वास्थ्य सेवा विभागले चितवनमा उच्च ज्वरोको लक्षणबाट भएकाको मृत्युलाई 'संभाविन स्वाइन फ्लुको मृत्यु'को संज्ञा दिएको छ।संलक्षण भएको ६ नमुना मध्ये ३ जना र एक साताभित्र काठमाडौ ठुला अस्पताल अस्पतालबाट नमुना रुपमा लिएका केही स्याम्पल परीक्षण गर्दा कान्तिबाल, शिक्षण अस्पताल, बीर र पाटन अस्पतालमा एक एक जनामा स्वाइन फ्लु भेटिएको हो। हालसम्म ४४ जनामा जाँचबाट पुष्टि भएको छ।
(source-nagariknews)